سندھ ہائی کورٹ نے جعلی شناختی کارڈ بنوانے میں ملوث مبینہ افغان شہری کیخلاف کارروائی کی درخواست مسترد کردی ۔سندھ ہائیکورٹ میں جعلی شناختی کارڈ بنوانے میں ملوث مبینہ افغان شہری کیخلاف کارروائی کی درخواست کی سماعت ہوئی۔
درخواستگزاد کے وکیل نے موقف دیا کہ افغان شہری محمد پاکستانی شناختی کارڈ بنوانے میں ملوث ہے۔
افغان شہری نے والد کے 2 علیحدہ ناموں سے پاکستانی شناختی کارڈ بنا رکھے ہیں۔
افغان شہری نے متعدد شہریوں کی زمینوں پر جعل سازی سے قبضہ کیا ہوا ہے۔
افغان شہری کیخلاف کارروائی کے لئے ایف آئی اے اور نادرا کو درخواستیں دی ہیں۔
ایف آئی اے اور نادرا غیر ملکی کیخلاف کوئی کارروائی نہیں کررہے۔ موجودہ حالات میں افغان شہری ملک کے لئے سیکیورٹی تھریٹ ہے۔
ایف آئی اے اور دیگر اداروں کو افغان شہری کیخلاف کارروائی کا حکم دیا جائے۔
عدالت نے درخواست ناقابل سماعت قرار دیکر مسترد کردی۔
عدالت نے ریمارکس دیئے کہ درخواستگزار متاثرہ فریق نہیں ہے، درخواست ناقابل سماعت ہے
