میئر کراچی بیرسٹر مرتضیٰ وہاب کی ہدایات پر عمل کرتے ہوئے کراچی میٹروپولیٹن کارپوریشن (کے ایم سی) نے مون سون سے قبل کی تیاریوں کے تحت شہر کے 45 اہم نالوں کی صفائی اور بحالی کی ایک وسیع مہم کا آغاز کر دیا ہے۔
مہم کا آغاز سولجر بازار نالہ، شیر شاہ نالہ، ہارون آباد نالہ، اورنگی ٹاؤن نالہ اور گجر نالہ سے کیا گیا ہے، جہاں نالوں کی چینلائزیشن، ڈی گریڈنگ اور چمکانے (اسپارکلنگ) کا کام جاری ہے تاکہ نکاسی آب کو بہتر بنایا جا سکے اور رکاوٹوں کا مؤثر طور پر خاتمہ ہو۔
یہ بروقت اقدام شہری انفراسٹرکچر کے تحفظ، ممکنہ اربن فلڈنگ سے بچاؤ اور بارشوں کے دوران موثر نکاسی آب کو یقینی بنانے کے لیے کیا جا رہا ہے۔ کے ایم سی کی ٹیمیں متحرک ہیں اور کام کی پیش رفت کی سخت نگرانی کی جا رہی ہے۔
میئر کراچی نے کہا کہ یہ مہم عوامی فلاح، موثر بلدیاتی خدمات کی فراہمی اور شہری تحفظ کے لیے حکومتی سنجیدگی کا مظہر ہے۔
